Siglir tar il cuntegn

Versets e poesias (Surmiran) Prest reiva Son Niclo

Prest reiva Son Niclo

Prest reiva Son Niclo
Legenda: Prest reiva Son Niclo Pixabay

Oss igl calender, ans fó a saveir
tgi bagn dalung’ son Niclo vign’ a neir.
El cugl famegl ed igl tschimmel dascous
vignan e vardan, sch’igls pitschens èn prous,
sch’els la dutregna on bagn amprandia,
ed ainten scola adegn’on savia.

Varda quant bagn els son liger, cantar,
risplei ed er stilo an regla duvrar,-
varda, scu els devozious son orar,
agls superiours obadientscha er far!
Ossa persiva igl dat son Niclo
tgossas schi bungas tg’igl on mirito.

(Ursign Cantign - Canzungettas e versets, Uniun Rumantscha da Surmeir 1991)