Siglir tar il cuntegn
Inhalt

Versets e poesias (Surmiran) Tgaval

Tgaval

Balla, ballasoua

Balla, ballasoua,
igl tgaval ò rot la coua,
igl pulieder ò rot igl fragn
e la spous’è dada aint igl ragn.

Piglier igl unfant sen la schanuglia ed igl lascher "crudar" tranter las tgommas.

Gionign

Gionign vot eir oss a tgavagl?Ea, ea, ea.
Vot far en lung e bel grond sagl?Ea, ea, ea.
Ast dò avagna agl tgaval?Ea, ea, ea.
Ast dò er ava agl tgaval?Ea, ea, ea.

Els tgavaltgeschan scu igl vent.
Gionign chel stat oss betg attent.
Cò vo igl poni a galop
e patta Gioni aint igl fop.

Piglier igl unfant sen la schanuglia, tgavaltger ed igl lascher “crudar” alla fegn tranter las tgommas.

Tgu, tgu cavalier

Tgu, tgu, cavalier,
quatter bazs ed en ustier.
Igl ustier è i’a val
per cumprar en bel tgaval.

Hop, hop, hop

Hop, hop, hop
corra a galop.
Sur igls mots e tras las tgaglias
cun spertezza tgi te saglias.
Hop, hop, hop
corra a galop.

(Tgimirolas: Hoppaheias, versets e canzungettas, Lia Rumantscha, Cuira 2011)