Siglir tar il cuntegn

Famiglia e passatemp Sursilvan La parlera

La parlera

Scuas
Legenda: Scuas Pixabay

Sper clavau ei secasada, ringheldi e ringhelda,
da parlers ina truppada, ringheldi e ringhelda.
Bab e mumma ed affons, murlis pigns ed er pli gronds,
ringheldi e ringheldi e ringheldi e ringhelda.

Il cavagl sper la purteglia trest lai pender si’ureglia,
el paletg’il magher plaun, e dasperas dierm’il tgaun.

Cheu damond’il vegl la veglia, ringheldi e ringhelda,
nua has ti la butteglia, ringheldi e ringhelda.
Lezz’ei vita tochen dem, al parler va si il fem,
ringheldi e ringheldi e ringheldi e ringhelda.

Vegl carpiern, ti buedra stria, la buteglia era mia,
lump, glimari che ti eis! Ella gresch’e segl’en peis.

Ord la neiv in pal el sdrappa, ringheldi e ringhelda,
pils cavels starschli la tschappa, ringheldi e ringhelda.
Nu’ch’il dies gest cala si sa la uss il fest sentir,
ringheldi e ringheldi e ringheldi e ringhelda.

El bastuna, ella gibla, la rueida ei horribla.
tgaun, affons fan in fraccass, sco sch’il mund sutsura mass.

Cheu arriv’jeu en furtina, ringheldi e ringhelda,
per dismetter la carplina, ringheldi e ringhelda.
El secalma, ella buc, sia lieunga mei ha tuc,
ringheldi e ringheldi e ringheldi e ringhelda.

Vus scuei von vossa porta, sche miu um mi dat la torta,
sch’ha’l il dretg, gl’ei miu mariu, e sch’el dat, el dat sil siu!

Ves jeu ussa en uiara, ringheldi e ringhelda,
il parler cun sia cara, ringheldi e ringhelda.
Ditg jeu, vulvend il dies: Vus mo dei, Vus deis sil vies!
ringheldi e ringheldi e ringheldi e ringhelda.

(Romontsch - ina schanza unica, Surselva Romontscha 2011)