Siglir tar il cuntegn
Inhalt

Famiglia e passatemp Sursilvan Nus mein cun skis

Nus mein cun skis

Ir cun skis
Legenda: Ir cun skis Pixabay

Pézs davon ensemen, oz fagein nus criec.
Per skiunzs che teman, ei quei buca schliet.
Hopla, hopla, in, dus, treis,
rocla buc, mo stai sin peis.
Nus trenein aunc biars, biars dis, sin nos skis.

Sur rovens e sur bots, fagein nus sigliots.
Mond culs peis ensi, perdein nus lu in ski.
Hopla, hopla, quei ei bi, tgi che rocla, leva si
Nus trenein aunc biars, biars dis, sin nos skis.

Nus fagein uss carauns, essan buca plauns.
Co quei va schi bein e lom, da far slalom.
Hopla, hopla, sco ils plugls, mein giuden en nos schanugls.
Nus trenein aunc biars, biars dis, sin nos skis.

Hop, hop, hop, juhuhu, va ei agradgiu.
Nus mein uss rapid, gest sco in satellit.
Hopla, hopla, essan buns, gie daveras campiuns.
Nus trenein aunc biars, biars dis, sin nos skis.

(Romontsch - ina schanza unica, Surselva Romontscha 2011)