Siglir tar il cuntegn

Famiglia e passatemp Sursilvan Uarda mira

Uarda mira

uffantin che dorma
Legenda: uffantin che dorma Pixabay

Uarda mira, uarda mira,
Tgei che fan la poppamenta,
Truschan aua, truschan tiara,
Tut ch’ei rocla entuorn.

Uarda mira, uarda mira,
Tgei che fan ils buobs da vaccas,
Maglian groma, maglian groma,
Tut ch’ei rocla entuorn.

Uarda mira, uarda mira,
Tgei che fan las dunnas giuvnas,
Tschuoran nialas, tschuoran nialas,
Tut ch’ei rocla entuorn.

Uarda mira, uarda mira,
Tgei che fan las femnas veglias,
Tilan presas, tilan presas,
Tut ch’ei rocla entuorn.

Uarda mira, uarda mira,
Tgei che fan ils tats sin pegna,
Brischan caultschas, brischan caultschas,
Tut ch’ei rocla entuorn.

(fontauna: Lodola, cudisch da cant, Casa editura cantunala per stampats e mieds d’instrucziun Cuera 1982, canzun populara dil Röselichranz, Text 1.-3. strofa da Toni Halter)