Siglir tar il cuntegn

Son Niclà e Nadal Sursilvan Da mesanotg fideivlamein

Da mesanotg fideivlamein

stalla da Nadal
Legenda: stalla da Nadal Pixabay

Da mesanotg fideivlamein
ils buns pasturs vegliavan.
Sper Betlehem en semblamein
las nuorsas pertgiravan.
Pren mir’in aunghel selai ver
e di ch’els deigien buc temer,
el porti buna nova:
che per quell’ura sei naschiu
a Betlehem il Fegl da Diu,
quei cun enzennas prova.
Quest ei il tutpussent Signur
che fa tanienta cuorsa;
vegn giu da tschiel sco bien pastur
per ina paupra nuorsa.
Pudend la nuorsa piars’anflar
tier las navontanov purtar
el spenda cun letezia
cuost, stenta, veta bein bugen,
vul endirar grond munglament:
Ton grond’ei la carezia.
Cun tut igl ei nies grond duer
che nus el car teneien:
cun tut saver e tut puder
engraziament rendeien;
agli purscheien tut’honur,
en obedientsch’a nies Signur
fideivlamein survîen;
ed uss ed en perpetnadad
quella fontauna da buontad
ludeien, benedîen.

(Il polischet, canzuns romontschas per l’instrucziun da clavazin tschentadas da Rica-Maria Cathomen 1995, text e melodia ord la Consolaziun)