Siglir tar il cuntegn
Inhalt

Versets e poesias (Sursilvan) Ils dets

Ils dets

dumbrar cun la detta
Legenda: dumbrar cun la detta Pixabay

Il polisch di: jeu hai fom.
L’auter di: jeu hai buc.
Il tierz di: nus lein engular.
Il quart di: nus astgein buc.
Il pign, lez di o tut.

(Cudischs per nos pigns I, Canzunettas e Versets, Ligia Romontscha Cuera 1946)


Quel cheu

Quel cheu ei levaus oz baul,
quel cheu ei ius egl uaul,
quel cheu va cul tgau ad ault,
quel cheu beiba caffè cauld,
quel cheu cloma tut dad ault:
“Ussa mon jeu si Crestault!”


Diesch bials umenets

Diesch bials umenets
leghers e cuntents.
Diesch bials umenets
fan termagls ed ein perderts.
Ed els cuoran giu e si
ed han bien humor tudi.
Els seruschnan vi e neu
stattan eri cheu e leu.
Els sedrovan senza paus
brahan senza ver ruaus.
Finadin dad els che ri
e surura ein svani
Far moviments culla detta,
far svanir la detta davos il dies.


Las plogas

Polisch: quel scrola las plogas
Det-mussader: quel pren si ellas
Det grond: quel mett’ellas el canaster
Det digl ani: quel port’ellas a casa
Det pign: e quei lumpazi pign
dat a tuts ina per in.

(Tgaubrochels: Hoppaheias, versets e canzunettas, Lia Rumantscha, Cuira 2011)