Siglir tar il cuntegn

Versets e poesias (Sursilvan) Moviments

Moviments

raunas che fan sport
Legenda: raunas che fan sport Pixabay

Tila en calzers

Tila en calzers,
nus mein uss a mises.
unsch’en crem’en fatscha
ed era silla bratscha
metta si capi/capiala
per esser il pli bi/la pli biala.
Tila en la giacca
e lu semova la baracca.

Far sco da nuar si calzers, unscher en crema, metter si capi, trer en giacca e siglir en pei enten dir "baracca".


La siarp

La siarp lezza ei liunga,
la giraffa lezz’ei gronda,
mo pintg’ei la miuretta ed
jeu tschappel tia detta.

Liiiunga: trer dapart las compas; grooonda: alzar las combas; pintga: star davongiu e tschappar la detta.


Gionet

Gionet vul ir a siala? Gie, gie, gie.
Gionet spert silla schuiala? Gie, gie, gie.
Has dau aveina al cavagl? Gie, gie, gie.
Has dau er aua al cavagl? Na, na, na.

Els cavalcheschan sco ils vents,
Gionet stat buca pli attents,
cheu va il poni a galop
e fier’il Gioni vi el fop.

Igl affon sesa silla schanuglia, alla fin arvan ins las combas ed igl affon “croda” dentergiu.


Sin tia schuiala

Sin tia schuiala dretga
sesa ina tschuetta
e davos tiu schui seniester
stat in animal jester:
el ei gronds,
el ei ferms,
ed el ha liungs dents.
Stai dabot en pei
e mir’encunter mei!

Metter il maun silla schuiala dretga ed alla fin, cura ch’igl affon semeina, far sc’in elefant: cruschar il bratsch dretg sul seniester, tener cul maun seniester il nas e far ir il bratsch dretg sco ina tromba.


Igl ei uras d’ir a letg

Igl ei uras d’ir a letg.
Nus serrein ils barcuns (1)
las finiastras (2)
igl esch-casa (3)
ed il davos vulvin nus la clav. (4)

La persuna creschida fa quei cugl affon:

(1) volver en las ureglias,
(2) serrar ils uviarchels dils egls,
(3) cuvierer la bucca,
(4) strubegiar il nas.

(Tgaubrochels: Hoppaheias, versets e canzunettas, Lia Rumantscha, Cuira 2011)