Siglir tar il cuntegn

Versets e poesias (Sursilvan) Sontgaclau vegn

Sontgaclau vegn

nuschs e maila pel San Niclà
Legenda: nuschs e maila pel San Niclà Pixabay

Sontgaclau vegn, bim, bim, bim,
Sontgaclau vegn cun scalin,
cun piziultas e biscuit
pils affons che fan pulit.

Mo el vegn cun torta era
per mattatschs che fan canera,
per mattatschas ch’ein stinadas,
malscultridas, mallavadas,
per sfarfatga buobanaglia
che fan nuot, nuotzun da vaglia!

Fai perquei adatg miu pign,
Sontgaclau vegn cun scalin!

(Cudischs per nos pigns I, Canzunettas e Versets, Ligia Romontscha Cuera 1946)