Siglir tar il cuntegn

Lexicon C Canera

In schlop dad aut u musica fitg dad aut sa far donn a nossas ureglias, ma era a noss bainstar. Ma tge capita insumma en noss corp, sche nus udin permanentamain ramurs?

Legende: Video Canera na fa betg mo mal las ureglias abspielen. Laufzeit 02:42 Minuten.
Or da Minisguard dals 28.04.2018.

La fin d'avrigl 2018 è stà il di cunter la canera. En blers lieus èn la Svizra èn persunas expostas a canera, oravant tut da traffic.

Tar canera cun effect aural, sco tar concerts da rock, en ina fabrica u sin plazza aviatica san ins simplamain sa proteger cun pamirs u autras protecziuns d'udida. Sch'ins n'ha betg gist cun sai insatge specific cunter canera, san ins er simplamain ruclar ensemen in faziel da palpiri.

Ma er la canera cun effects betg aurals, damai la canera da l'ambient, sco traffic, ch'è forsa betg uschia dad auta sco tar in concert da rock po esser privlusa, pertge ella po chaschunar stress. Cunter quella èsi dentant pli grev da sa proteger.