Siglir tar il cuntegn

Lexicon E Energia

Dapi ch'i vegn planisà da metter ord funcziun las ovras atomaras, vegni discurrì adina pli savens da l'energia.

Dapi ch'i vegn planisà da metter ord funcziun las ovras atomaras, vegni discurrì adina pli savens da l'energia. Sch'ins metta numnadamain ord funcziun las ovras atomaras ston ins producir auter l’energia u perfin spargnar energia.

Gieu da spargnar electricitad

Il gieu pudais far cun tut voss amis u fragliuns. Ed el funcziuna uschè. Durant in di empruvais da far questas 5 chaussas. In tip secret: inquala chaussa pon ins era far pliras giadas. Per mintga chaussa, che vus faschais survegnis vus puncts. Quels puncts stuais dumbrar ensemen a la fin. Tgi ch'ha ils pli blers puncts, ha spargnà la pli blera energia ed ha gudagnà il gieu.

pair (electric)
Legenda: pair (electric) Dreamstime

Durant il di duai ins mo far glisch sch’igl è stgir en la stanza e sch’ins chamina ord la stanza adina stizzar la glisch. È nagin en la stanza na dovri era betg glisch. Sche vus faschais quai in entir di survegnis 4 puncts.

 

frestgera
Legenda: frestgera Dreamtime

Suenter avair mangià gentar u tschaina, na mettai betg la maglia chauda en la frestgera. Perquai che la spaisa chauda, stgauda la frestgera. Lezza dovra uschia dapli energia da sfradentar. Sche vus mettais la spaisa pir cura ch’ella è fraida en la frestgera survegnis vus 2 puncts.

 

chargiabattarias
Legenda: chargiabattarias Dreamstime

Dovr’ins in chargiabattarias ubain in chargia telefonin èsi impurtant da na laschar quel en la bischla da contact. Sch'ins na prenda betg ora quels dovran ils apparats 1 watt electricitad. Sch'ins lai quels apparats durant l'entir onn en la bischla da contact dovra quel tanta energia sco quei ch'in pair dovra per glischar durant sis uras. Sche vus faschais quai datti 1 punct.

 

visualisaziun da standby
Legenda: visualisaziun da standby Dreamstime

Sch’ins metta ora la televisiun be cun il telecomando dovra quella anc adina electricitad. Pertge la pitschna glisch da la televisiun dovra electricitad. Aifer in onn è quai tanta energia sco quai ch'in pair d'ina lampa drovra per glischar 6 uras. Mintga giada che vus tschantais or il visur da la televisiun datti 1 punct.

 

In tip: Sche vus tschantais ora tut ils apparats ch'han ina pitschna glisch, survegnis per mintga apparat 1 punct.