Siglir tar il cuntegn
cuntegn

Lexicon F Facebook

Facebook è ina rait sociala. Ins pudess dir in lieu en l’internet nua ch’ins s’entaupa cun amis e collegas.

Facebook è ina rait sociala. Ins pudess dir in lieu en l’internet nua ch’ins s’entaupa cun amis e collegas da lunsch e da manaivel. Ins sa scriver in a l’auter messadis, dir tge ch’ins fa gist, mussar las fotos da las vacanzas, dar gieus e far bler auter. Per savair esser commember da questa rait ston ins avair almain 13 onns.

Il fundatur da questa plattafurma Mark Zuckerberg ha gudagnà blers raps cun facebook. Cun ir a la bursa vul el anc ina giada augmentar il gudogn.

Infurmaziuns custaivlas

Facebook è en la critica sin l’entir mund. La raschun è ch’els na tractan bain avunda las infurmaziuns persunalas da lur clients. Il mars 2018 lura il scandal. Infurmaziuns da var 50 milliuns persunas èn vegnidas malduvradas. Infurmaziuns preziusas, ma pertge?

Legenda: Guardar il video Tge datas ha Facebook propa da nus? . Durada 04:46 minutas.
Or da Minisguard dals 24.03.2018.
Legenda: Guardar il video Facebook: Datas dad 87 milliuns persunas enguladas. Durada 01:48 minutas.
Or da Minisguard dals 07.04.2018.

Il scandal cuntinua

Las datas da 14 milliuns utilisaders èn stadas visiblas per tuts enstagl da mo per amis ed amias.

Legenda: Guardar il video Nova panna tar Facebook. Durada 00:44 minutas.
Or da Minisguard dals 09.06.2018.