Siglir tar il cuntegn

Lexicon F Favugn

Sch'il favugn sufla tras nossas vals, na derscha el betg mo da tuttas chaussas u procura per mal il chau, na, el stgauda era l’aria. Il Minisguard declera il fenomen dal vent chaud.

Legende: Video Il favugn – il vent chaud, co vegni tar el? abspielen. Laufzeit 2:26 Minuten.
Or da Minisguard dals 07.04.2018.

Dal favugn aud’ins bler negativ. Sur tut perquai che blera glieud ha mal il chau sch’il favugn sufla tras la val u perquai ch’el fa luar l’enviern la naiv. Mo il vent chaud po era avair varts positivas.

Il favugn han ins betg adina gugent. Mo tuttina ha el sias varts positivas che fan emblidar tut il negativ.

cuntrada
Legenda: cuntrada RTR

Sch’il favugn sufla è la vista bler pli bella. Las colurs en la natira en pli cleras e frestgas e chaussas ch’èn lunsch davent paran d’esser pli da manaivlas. Quai ha da far cun l’umiditad en l’aria, fitg pitschens daguts d’aua. Il favugn sufla quels pitschens daguts navend e nus vesain tut bler pli clar.

 

far bogn
Legenda: far bogn RTR

Il bler cura ch’il favugn sufla en ina val èsi là bel ’aura e chaud. Ideal per far bogn.

 

pender si resti
Legenda: pender si resti Keystone

La stad sienta il favugn chaud pli spert il resti sche vus essas vegnids bletschs u sche la mamma penda si dadora il resti gist lavà.

 

Cura ch’il favugn sufla fitg pon ins era far leghers gieus. Per exempel:

  • Laschar sgular in dragun.
  • Lura sgolan las borlas da savun bler meglier.
  • Zambregia ina roda da vent e mirar co che quella va enturn.
  • Zambregiar ina bartga da palpiri, u sch’ins ha prender ina bartga a vent e laschar nudar quella sin in lai.
  • Ins po laschar trair dal vent. Per exempel sch’ins va cun skis, scarsola, patinas u skateboard. Sufla il vent encunter il dies va tut da sez.
  • Vus pudais era mirar sco ch’in satget sgola tras l’aria ed empruvar da pigliar quel cun tut ils amis.

Anc in curt film davart il vent. Tge che po schabegiar cun pitschnas chaussas u schizunt animals, sch’i sufla propi fitg. Dentant, vus stuais avair nagina tema. L’anda cun ils pitschens èn sauns, i n'è per fortuna capità nagut.