Siglir tar il cuntegn

Lexicon F Flurs-sulegl

Con gronda po ina flur sulegl daventar e danunder vegnan ellas insumma?

Flurs-sulegl dovran sulegl, ni ch'ellas sa volvan cun il sulegl. Quai en duas da las chaussas ch'ins enconuscha sur da flurs sulegl. Mo con gronda po ina flur sulegl daventar e danunder vegnan ellas insumma?

Tge flur vala sco la regina da las flurs? Cler, la rosa. Mo co èsi la fin d'avust? Lura fa in'autra flura gronda parada, numnadamain la flur-sulegl. Questa flur avain nus elegì per nossa concurrenza. Il Minisguard ha visità quel u quella che ha la pli gronda flur-sulegl e gudagnà la concurrenza.

Flurs-sulegl en bellas, mo tge anc?

flur sulegl
Legenda: flur sulegl Keystone

La flur sulegl datti gia daditg, dentant betg tar nus. Ellas èn vegnidas importadas ord l’America dal Sid entras martgadants sin bastiments, quai avant varga 500 onns. En l’Europa èn ellas vegnidas duvradas per garnir e far pli bel. Pir en il 17avel tschientaner han ins constatà ch’in po era duvrar ils cocs da las flurs.