Siglir tar il cuntegn

Lexicon G Giudaissem

Il giudaissem è var 4000 onns vegl. La gronda part dals gidieus èn repartids per l’entir mund enturn. Auter ch’en l’Israel, vivan els dapertut en minoritads. La gronda part da las persunas che vivan en l'Israel èn gidieus. Sin l’entir mund datti var 15 milliuns gidieus.

Derivanza
Tenor la cretta dals gidieus ha Dieu fatg in patg cun Abraham. Pia ina sort contract. Dieu ha empermess ad Abraham da far or da ses descendents in grond pievel e da dar ad el in pajais. Persuenter ha Dieu pretendì d’Abraham da betg pli crair en plirs dieus, mabain mo pli en in Dieu. Abraham viveva en la Mesopotamia. Quai era là nua che l’Irac è ozendi.

La Thora
Legenda: La Thora Google

Sontga scrittira
La pli impurtanta scrittira dal giudaissem è la Thora. En quella statti scrit co ch’il mund è vegnì stgaffì, l’istorgia da Noha e dal diluvi, sco era davart Abraham e Moses. La tora è la part impurtanta da la bibla ebraica che vegn numnada dals cristians il Vegl Testament. Ils giudaissem enconuscha anc in ulteriur cudesch, il Talmund. Quel duai gidar a chapir la bibla.

Ils gidieus spetgan anc sin lur Messias, quel che duai vegnir cun il reginavel da la pasch e da la giustia. Per ils cristians che crain vi dal medem Dieu è Jesus Cristus quest Messias.

 

Sinagoga a Berlin en la Germania
Legenda: Sinagoga a Berlin en la Germania Google

Las sinagogas
Las cartentas ed ils cartents sa radunan en las sinagogas per far oraziun u era per emprender la religiun. Perquai èn las sinagogas savens partidas en differentas stanzas.

 

Staila da David
Legenda: Staila da David Google

Simbol
La staila da David vala sco simbol dal temp modern per il giudaissem e per il pievel giudaic.

 

Infurmaziuns davart las tschintg pli grondas religiuns pudais leger qua...