Siglir tar il cuntegn
Inhalt

Lexicon H Hinduissem

Las ragischs dal hinduissem giaschan var 3000 onns en il passà. Cun 850 milliuns cartents è il hinduissem la terz gronda religiun dal mund. Ils cartents vivan bunamain mo en l’India.

Statua dal dieu Shiva
Legenda: Statua dal dieu Shiva Google

Derivanza
Ils hindus numnan era lur religiun ”Sanatana Dharma” quai che vul dir la religiun perpetna u la religiun per adina. Els crain er vid ina forza d’in dieu che fa che tut daventa viv.

En il hinudissem datti plirs dieus. In dals dieus ch’ils hindus han è Vishnu. Quest dieu vegn da temp en temp sin terra sco uman u sco animal per impedir sventira. In auter dieu è Shiva. Quest dieu vegn numnà “il destruider”; el destruescha tut il vegl per ch’i possia dar insatge nov sin quest mund.

 

Rigveda - ina part or da la scrittira Veden
Legenda: Rigveda - ina part or da la scrittira Veden Google

Sontga scrittira
Las pli veglia scrittira dal hinduissem èn las Veden. Quai munta tant sco “savair”. Questas scrittiras cuntegnan istorgias davart ils dieus, scungiraments e chanzuns che vegnivan chantadas pli baud da spirituals. Questas scrittiras èn vegnidas scrittas avant circa 3000 onns.

Las pli impurtantas scrittiras dal hinduissem èn ozendi las Upanishadas. Il pled munta “sesa al pe da tes scolast”. En questas scrittiras vegn declerà il curs da la vita e da la mort.

La Bhagavad Gita è la pli enconuschenta scrittira dals hindus. Questa scrittira han oravant tut ils uffants gugent. La scrittira cuntegna istorgias da l’erox Arjuna e ses inscunters cun il dieu Krischna.

 

Tempel dals hindus a Tanjore en l'India
Legenda: Tempel dals hindus a Tanjore en l'India Google

Tempel
Ils hindus sa radunan en il tempel. Per il hinduissem represchenta il tempel il cosmos. En ils tempels s’inscuntra il mund dals dieus ed il mund dals umans.

 

Bustab per "Om"
Legenda: Bustab per "Om" Google

Simbol
Il simbol per il hinduissem è il segn Om. Igl è in bustab da la scrittira Devanagari ch'ins dovra per exempel per scriver hindi. L’Om stat tranter auter era per ils dieus Vishnu, Shiva e Brahma.

 

Infurmaziuns davart las tschintg pli grondas religiuns pudais leger qua...