Siglir tar il cuntegn
Inhalt

Lexicon I Ieli

L'ieli na sfundra betg ed è nuschaivel per l'aua e la mar. Dentant, pertge sa cumportan l'ieli e l'aua insumma betg? Rapports da la catastrofa d'ieli en il Golf dal Mexico dal 2010 e sias consequenzas per l'ambient.

Pertge na sfundra l'ieli betg e pertge è el uschè nuschaivel per l'aua e la mar? Il Minisguard declera pertge che l'ieli e l'aua na sa cumportan insumma betg.

Catastrofa d’ieli

Sin ina plattafurma che sa nudava en il Golf dal Mexio (mar en la vischinanza da l’America) hai dà ils 20 d'avrigl 2010 ina explosiun. Entras questa explosiun è la plattafurma che pumpava ieli ord la terra profund sut il funs da la mar ida a funs. Uschia è la colliaziun tranter la plattafurma ed ils champs d’ieli rutta.

Cumbat cunter l’ieli

Emnas a la lunga èn milliuns da liters ieli culads ora en la mar. Quai perquai ch’i aveva dà ils 20 d'avrigl in’explosiun sin la plattafurma d’ieli en il Golf dal Mexico e quella era ida a funs. Il bischen per pumpar siadora l’ieli era rut e l’ieli è culà dals 20 d'avrigl fin ils 16 da fanadur 2010 ora en la mar.

L'ieli en il Golf dal Mexico ha era fatg quitads a Barack Obama

Desister da l'ieli nè betg uschè simpel

Tras quest accident èn culads millis e millis da liters ieli per di en la mar. L’ieli è privlus per la natira. Blers animals e bleras plantas crappan sch’i vegnan en contact cun l’ieli che sa noda en l’aua. Co vegn l’ieli insumma prendì ord l’aua ed è quai insumma pussaivel? E daco duvrain nus insumma l'ieli?