Parlament grischun

Per las elecziuns dal parlament vegn il chantun Grischun partì en 39 parts. Quellas parts han num circuls. Mintga circul elegia las persunas ch'el vul en il parlament.

Per las elecziuns dal parlament vegn il chantun Grischun partì en 39 parts. Quellas parts han num circuls. Mintga circul po eleger in tschert dumber da persunas che po ir en il parlament. Dentant, i dat dapli candidats che sezs libers, uschia che betg tuts pon vegnir elegids. Tge fan ils candidats tut per ch'ils circuls elegian gist els? E tge lavur fa in deputà grischun insumma?

Tge circuls datti insumma?
Tut en tut ha il chantun Grischun 39 circuls. Insaquants da quels circuls èn fitg gronds, auters mo pitschens.

Co han ils differents circuls num? Guardai la charta...

circuls GR Avrir maletg en lightbox.

Legenda da maletgs: circuls GR RTR

 

Quantas persunas dastga mintga circul eleger?
Mintga circul dastga eleger – tranter ils abitants dal circul – quellas persunas che pon ir en il cussegl grond.

Pli blers abitants ch'in circul ha e dapli persunas che pon vegnir elegidas.

Quantas persunas pon ins eleger en mintga circul? Guardai la charta...

Circuls GR cifras Avrir maletg en lightbox.

Legenda da maletgs: Circuls GR cifras RTR

 

Co vegnan las persunas elegidas?

Per eleger las persunas en ils circuls vegn fatg in quint.

  1. dumbrar tut ils cedels da votaziun
  2. far x 2 il dumber da persunas ch'ins po eleger
  3. parter punct 1 entras punct 2

Il resultat da quai quint è la maioritad absoluta.

Tut quels candidats che han dapli vuschs che la cifra da la maioritad absoluta èn elegids. Igl è dentant da resguardar: mintga circul ha in dumber fix da persunas ch'el dastga eleger. Sche memia bleras persunas han dapli vuschs che la maioritad absoluta, gudognan mo quels cun las pli bleras.

Exempel:

2000 Avrir maletg en lightbox.

Legenda da maletgs: 2000 RTR

 

2 (persunas) x 2 = 4 Avrir maletg en lightbox.

Legenda da maletgs: 2 (persunas) x 2 = 4 RTR

 

500 Avrir maletg en lightbox.

Legenda da maletgs: 500 RTR

 

Vegn Paula elegida en il parlament?
Paula è en ina partida politica e vul s’engaschar per dapli vacanzas da scola. Perquai vul ella daventar commembra dal parlament. Per vegnir elegida en il parlament ha ella fatg blers placats da reclama. Uschia tuts ch’enconuschan ella e dattan lura forsa era la vusch ad ella tar las elecziun.

Da tut las persunas ch’han dapli che 500 vuschs, èn elegidas mo las duas persunas cun las pli bleras vuschs.

Infurmaziuns davart las partidas dal parlament Grischun e daco ch'i dat insumma partidas politicas, quai pudais leger cun cliccar qua...