Siglir tar il cuntegn
Inhalt

Lexicon P Premi Nobel

Ils premis Nobel vegnan surdads mintg'onn a persunas che han fatg insatge extraordinari. I dat tschintg categorias tar quai premi...

Ils premis Nobel vegnan surdads mintg'onn a persunas che han fatg insatge extraordinari. I dat tschintg categorias tar quest premi: fisica, chemia, medischina, litteratura e pasch. Ils premiads survegnan in document, ina medaglia d'aur e dapli che 1 milliun francs.

Tgi era Alfred Nobel?

Alfred Nobel
Legenda: Alfred Nobel Wikipedia

Inventà il premi Nobel ha Alfred Nobel. Dentant, tgi era Alfred Nobel exact?

 

Premi Nobel da la pasch 2014
L'onn 2014 han Kailash Satyarthi e Malala Yousafzai, ina matta da be17 onns, obtegnì il premi Nobel da la pasch. Els dus han cumbattì per il dretg dad uffants e per giuvenils sin l'entir mund.

Premi Nobel 2017 - Ura interna

Plantas, animals e carstgauns han in’ura interna che reglescha noss di da 24 uras. Quella ura interna fa era che animals sa dasdan puspè ad uras suenter lur sien u pausa d’enviern. Il Minisguard declera las furmas da durmir durant l’enviern e l’impurtanza da quella ura interna.

Legende: Video Premi Nobel da medischina per avair perscrutà il durmir abspielen. Laufzeit 01:32 Minuten.
Or da Minisguard dals 07.10.2017.

Premi Nobel per litteratura 2018 vegn spustà

Pervi d'ina crisa interna en l'Academia svedaisa na vegn surdà quest onn nagin Premi Nobel da litteratura. Il premi per il 2018 vegn surdà ensemen cun quel per il 2019. L'Academia svedaisa è l'institut che promova il linguatg e la litteratura. Ina da sias lezias èsi er d'eleger il victur u la victura da premi pli enconuschent da litteratura – il Premi Nobel.

Legende: Video Il Premi Nobel per litteratura vegn spustà abspielen. Laufzeit 01:00 Minuten.
Or da Minisguard dals 05.05.2018.