Siglir tar il cuntegn

Lexicon P President american

L'atun 2012 han ils Americans elegì Barack Obama sco president. Da questas elecziuns è vegnì rapportà en tut las medias. Pertge èn questas elecziuns uschè impurtantas e pertge na po el betg reger sco in retg?

L'atun 2012 han ils Americans reelegì Barack Obama sco president. Da questas elecziuns è vegnì rapportà en tut las medias. Las elecziuns en l'America paran d'interessar tuts. Ma pertge è quai che capita en l'America impurtant per l'entir mund?

Era sche Barack Obama è il pli pussant um dals Stadis Unids da l'America, ma reger sco in retg u cumandar sco in schef na po el tuttina betg. El è dependent dal parlament american, dal congress che fa las leschas. Ma gist quai congress vegn dominà dals politichers republicans, dals adversaris da Barack Obama.

La chasa alva - biro, refugi e palast

Donald Trump 45avel president dals Stadis Unids da l'America

Suenter ch'il pievel ha elegì ils 8 da november 2016 Trump indirectamain sco nov president, ha votà uss il gremi dals electurs. Cun gronda maioritad han els elegì Donald Trump. Il resultat duai vegnir communitgà uffizialmain ils 6 da schaner 2017 en il congress american. Ils 20 da schaner 2017 vegn Trump saramentà sco 45avel president dals Stadis Unids da l'America.

Legende: Video Saramentaziun dal 45avel president american abspielen. Laufzeit 2:10 Minuten.
Or da Minisguard dals 21.01.2017.

Gia la fin da schaner ha Trump lura suttascrit in decret cun la finamira da proteger la naziun da terrorists esters. Il scumond d'entrar en ils Stadis Unids da l'America era drizzà vers ils burgais da la Siria, Iran, Irac, Sudan, Somalia, Libia e dal Jemen. Cunter quest decret hai dà opposiziun. En numerusas citads en ils Stadis Unids e sin l'entir mund è vegnì demonstrà.

Legende: Video En USA vegn demonstrà era pervi d’in scumond d’entrar en il pajais abspielen. Laufzeit 2:19 Minuten.
Or da Minisguard dals 04.02.2017.