Raffader

Il schef d'ina firma duai gudagnar dapli paja ch'in lavurant. El sa pli e porta er dapli responsabladad. Tge paja è dentant giustifitgada e cura vala in schef sco in raffader?

Sch'insatgi è il schef d'ina firma, lura duai el era avair dapli paja ch'in lavurant. Sco schef sa el dapli e porta dapli responsabladad. Mo dastga el gudagnar 500 giadas dapli ch'in da ses lavurants? In tal schef vegn perquai taxà sco in uschenumnà raffader, sco in manager cun ina paja exagerada. Tge paja è giustifitgada e cura vala in schef propi sco in raffader?

Daniel Vasella
Quai era il cas tar Daniel Vasella, il capo da la firma Novartis. El è vegnì taxà sco in uschenumnà raffader, sco in manager cun ina paja exagerada. Daniel Vasella ha dentant era purtà grond success a sia firma. Ed è Daniel Vasella propi in raffader?