Rumantsch grischun

Rumantsch grischun è il pli giuven dals differents rumantschs. Rumantsch datti gia passa 2'000 onns, rumantsch grischun pir dapi l'onn 1982.

 

Il Rumantsch Grischun è il pli giuven dals differents rumantschs. Rumantsch datti gia passa 2'000 onns, Rumantsch Grischun dentant pir dapi l'onn 1982. Però pertge e daco datti insumma il Rumantsch Grischun?

Enconuschais vus ils differents idioms ed il rumantsch grischun? Tuts tunan different e tuttina in zic medem. Savais vus co els tunan? Tadlai ils tuns qua sut ed empruvai d’engiavinar tge idiom che vegn discurrì, ubain sche quai è rumantsch grischun.

Idiom 1 Avrir maletg en lightbox.

Legenda da maletgs: Idiom 1 RTR

Il resultat chattais vus qua...

 

Idiom 2 Avrir maletg en lightbox.

Legenda da maletgs: Idiom 2 RTR

Il resultat chattais vus qua...

 

Idiom 3 Avrir maletg en lightbox.

Legenda da maletgs: Idiom 3 RTR

Il resultat chattais vus qua...

 

Idiom 4 Avrir maletg en lightbox.

Legenda da maletgs: Idiom 4 RTR

Il resultat chattais vus qua...

 

Idiom 5 Avrir maletg en lightbox.

Legenda da maletgs: Idiom 5 RTR

Il resultat chattais vus qua...

 

Idiom 6 Avrir maletg en lightbox.

Legenda da maletgs: Idiom 6 RTR

Il resultat chattais vus qua...

 

Nagin rumantsch grischun en scolas engiadinaisas

En tge lingua ch'i vegn dà scola, quai decida mintga vischnanca sezza. Per exempel en tudestg, talian u en rumantsch. Tge che vegn emprendì en scola, quai di il chantun. Per exempel sch'i dat gimnastica, far quints, leger u geografia. Ussa vegnan ils cudeschs da quint e da leger fatg be pli anc en rumantsch grischun, quai per spargnar raps. Uschia che las scolas rumantschas ston tuttas emprender rumantsch grischun. Dentant betg tuttas fan quai, per exempel en l'Engiadina na vegn betg emprendì rumantsch grischun.

Idiom u rumantsch grischun?

En las vischnancas da Falera, Andiast, Rueun e Vuorz èsi stà votaziuns davart il rumantsch grischun en scola. Quellas vischnancas han decidì da puspè dar scola cun cudeschs scrits en l'idiom sursilvan.

Per tge va'i propi en la dispita?

Cun ils idioms ed il rumantsch grischun èsi in tec sco cun glatsch. Insatgi ha pli gugent in gust, insatgi auter preferescha in auter gust.

Èn ils novs cudeschs da scola cools?

Il cussegl grond ha decidì ch’ils cudeschs da scola na duajan betg vegnir edids mo en rumantsch grischun, mabain era en ils idioms. Questa decisiun plascha ad intgins ed ad auters n’insumma betg. Il Minisguard ha vulì savair independentamain da la decisiun, da tge cudeschs che quai sa tracta ed uschia visità il linguist da la Lia Rumantscha, Daniel Telli, che lectorescha ils cudeschs da scola.