Siglir tar il cuntegn
Inhalt

Lexicon T Trais sontgs retgs

Igl è in vegl usit da sa vestgir sco ils trais sontgs retgs, dad ir da chasa tar chasa, giavischar in bun onn nov e chantar. Latiers vegn era rimnà daners per ina buna chaussa.

Igl è in vegl usit da sa vestgir sco ils trais sontgs retgs, dad ir da chasa tar chasa, giavischar in bun onn nov e chantar. Latiers vegn era rimnà daners per ina buna chaussa.

Chasper, Meltger e Baltasar van chantond da chasa tar chasa. In dad els, il Chasper è il retg nair cun pel stgira e l'uffant che gioga quest retg sto vegnir smincà. A Castrisch, Sevgein e Riein dentant ha in dals retgs propi pel stgira. El è in uffant che deriva da la Somalia e atgnamain da religiun islama - è quai in problem?

Era a Savognin datti quella tradiziun. Là sa schluitan las scolaras da la quarta enfin sisavla classa en la rolla dals trais sontgs retgs.

Trais sontgs retgs da Savognin
Legenda: Trais sontgs retgs da Savognin RTR

Scolars raquintan

Tar nus èsi per il pli uschia ch’ils scolars fan quai. Uschia er a Trun. Nina Defuns da Trun raquinta co igl è stà da sa participar agl usit dals trais sontgs retgs.

 

 

La petta dals trais sontgs retgs

Quel u quella che chatta il retg zuppà en la petta po esser retg u regina durant l'entir di. Uschia han ils scolars e las scolaras da la 5avla e 6avla classa da la scola da Rueun e conturn fatg quai.