Velo d'ina roda

Ir cun velo d'ina roda è trendy, era sch’il n’è betg simpel da mantegnair la ballantscha sin la roda.

Ir cun velo d’ina roda è trendy, era sch’i n’è betg simpel da mantegnair la ballantscha sin la roda. Tgi che po charrar cun in tal vehichel exercitescha era la ballantscha per ir cun snowboard, skis, aissa da surfing ni auters sports. Impurtant è dentant ch’ins elegia l’endretg velo d’ina roda.

differents models da velos d'ina roba Avrir maletg en lightbox.

Legenda da maletgs: differents models da velos d'ina roba RTR

In velo d’ina roda consista d’ina roda (1), d’ina manvella (2), dals pedals (3), d’ina furtgetta (4), d’ina portasella (5) e d’ina sella en furma da banana (6). La forza dals pedals vegn transportada directamain sin la roda. Uschia sa mova la roda exact en il medem tempo sco ils pedals. Franà vegn cun pedalar en la direcziun cuntraria.

Ils custs per in velo d’ina roda po variar tranter 100.- frs ed 850.- frs. Els custan pia pli pauc ch’in velo da duas rodas.

Velos d’ina roda datti en tuttas grondezzas. Novizs na san betg exact tge ch’els dovran, perquai insaquants tips:

Impurtant è da savair, per tge ch’ins dovra il velo d’ina roda, e con lunga che la chomma è. Quella mesiran ins dal palantschieu fin la chomma dadens. Pli lunga che la chomma è e pli gronda che la roda dastga esser. La grondezza da rodas vegn mesiradas en Zol, ed inditgadas cun il segn da virgulettas “. In zol è var 2 ½ centimeters. Betg mo grondezzas da rodas, era ils visurs da televisiun u computers vegnan inditgadas en zol.

indicaziuns

Grondezza da rodas en zolsIntentLunghezza minimala da la chomma
12"uffants 3-4 onns
16"uffants54 cm
20"uffants, giuvenils, creschids: ideal per distanzas pli lungas62 cm
24"uffants pli gronds, giuvenils, creschids: ideal per distanzas pli lungas.67 cm
26"giuvenils, creschids: per distanzas pli lungas e per trenament da cundiziun72-74cm
28"giuvenils e creschids: ideal per turas pli lungas, maraton74 cm

Differents models da velos d’ina roda

I na dat betg mo differentas grondezzas da velos d’ina roda, mabain era differents models.

velo d’ina roda da standard Avrir maletg en lightbox.

Legenda da maletgs: velo d’ina roda da standard RTR

Standard:

Il velo d’ina roda da standard è ideal per novizs. Ins po duvrar el per il temp liber u per giugar basketball u unihockey sin il velo d’ina roda.

 

velo d’ina roda da freestyle Avrir maletg en lightbox.

Legenda da maletgs: velo d’ina roda da freestyle einradnews.de

Freestyle:

Il velo d’ina roda da freestyle ha ina sella stretga ed ina furtgetta quadra. Sin quella furtgetta po il freestyler far trics cun ina chomma.

 

velo d’ina roda da trial Avrir maletg en lightbox.

Legenda da maletgs: velo d’ina roda da trial Google

Trial:

Il velo d’ina roda da trial è bajegià fitg stabil. Cun quai velo pon ins dar sigls, surmuntar obstachels, ir sin mirs e charrar da stgala giu. Cun il velo da trial pon ins ir en il parc da skate, en la citad u en la champagna.

 

“Muni” (Mountain Unicycle) Avrir maletg en lightbox.

Legenda da maletgs: “Muni” (Mountain Unicycle) RTR

“Muni” (Mountain Unicycle):

Quai è il mountainbike dals velos d’ina roda. Il muni ha in pneu cun profil grop per ch’ins possia charrar cun el en las muntognas. La roda ha ina bassa pressiun da l’aria per ch’il pneu piglia si las fridas cura ch’ins charrescha da la muntogna giuadora, sc’in plimatsch.

 

velo d’ina roda da cursa Avrir maletg en lightbox.

Legenda da maletgs: velo d’ina roda da cursa Google

Cursa:

Tar il velo d’ina roda da cursa èsi impurtant ch’el paisia pauc e che la roda saja gronda. Pli gronda che la roda è e pli sperts ch’ins è.

E lura datti anc ina pluna auters models da velos d’ina roda – con bain ch’ins po charrar cun quels – lez è la dumonda.

 

One-Wheel Avrir maletg en lightbox.

Legenda da maletgs: One-Wheel Google

töff sin ina roda Avrir maletg en lightbox.

Legenda da maletgs: töff sin ina roda Google

 

töff sin ina roda Avrir maletg en lightbox.

Legenda da maletgs: töff sin ina roda Google

ultimate-wheel Avrir maletg en lightbox.

Legenda da maletgs: ultimate-wheel Google