Siglir tar il cuntegn
cuntegn

Lexicon Z Zona da temp

Betg tuts beneventan en il medem mument l'onn nov. Nus faschain in viadi enturn il mund e declerain pertge che quai è uschia.

Da Silvester vegni fatg festa. Ma betg tuts beneventan en il medem mument l'onn nov. Sch'ins vuless pudess'ins festivar bleras giadas Silvester. Nus faschain in viadi enturn il mund e declerain pertge che quai è uschia.

Differenza da temp

L’onn 2010 èn ils gieus olimpics d'enviern stads a Vancouver en il Canada. Per pudair guardar co che las meglras sportistas ed ils megliers sportists da l'entir mund cumbattan per medaglias stuev’ins guardar televisiun la notg.

La raschun persuenter è che Vancouver è en in’autra zona da temp. Quai vul dir ch’igl è a Vancouver in auter temp che qua tar nus.