Siglir tar il cuntegn
cuntegn

Famiglia e passatemp Sursilvan Il vin di all’aua

Il vin di a l'aua
Legenda: RTR

Il vin di all’aua:
Jeu sun pli fins che ti.
Mei meinan ei ord Valtlina e
meinan sin la Cadi,
Mei meinan ei ord Valtlina
e meinan sin la Cadi.

L’aua cheu rispunda:
Jeu sun pli fina che ti.
Mei portan ei en cuschina,
mei ston ei ver mintga di.
Mei portan ei en cuschina,
mei ston ei ver mintga di.

Il vin di all’aua:
Jeu sun pli fins che ti.
Mei portan ei sin la meisa, mei datten ei als signurs.
Mei portan ei sin la meisa, mei datten ei als signurs.

L’aua cheu rispunda:
Jeu sun pli fina che ti.
Pertgei che neginas fatschas ein finas senza mei.
Pertgei che neginas fatschas ein finas senza mei.

Il vin d all’aua:
Jeu sun pli fins che ti.
Mei portan ei en baselgia, mei drovan ei sigl altar.
Mei portan ei en baselgia, mei drovan ei sigl altar.

L’aua cheu rispunda:
Jeu sun pli fina che ti.
Curdass jeu ca giud las neblas, stuessas ti seccar vi.
Curdass jeu ca giud las neblas, stuessas ti seccar vi.

(Cudischs per nos pigns I, Canzunettas e Versets, Ligia Romontscha Cuera 1946)