Siglir tar il cuntegn
cuntegn

Versets e poesias (Sursilvan) Animals

Animals

Mieurs
Legenda: Mieurs Pixabay

Bi utschi

Bi utschi,
nua vas?
Vi sur mar!
Tgei vul far?
Marendar!
Tgei ei bien?
Paun e nuschs!
Cons chischlets?
Tschienedus.


Treis miurets

Treis miurets si dies,
fan buc tgei ti dias:
in seglia envi,
tschel cuora ensi
ed il tierz eis ti!

Furmiclar culla detta si dies, siglir envi culla detta, cuorer ensi culla detta e tschappar enuorn agl affon.


Inagada eis ei stau

Inagada eis ei stau
in gattegl bufatg brin blau
e quel mav’entuorn clavau
e fageva: miau, miau, miau.


Miur, miuretta

Miur, miuretta, nua vas?
Vegns cun mei in tec a spass?
Tras ils ers e tras ils praus,
mintgaton lein far in paus.

(Tgaubrochels: Hoppaheias, versets e canzunettas, Lia Rumantscha, Cuira 2011)