Siglir tar il cuntegn
cuntegn

Versets e poesias (Sutsilvan) Egn, dus, tres

Egn, dus, tres

dumbrar cun ils mauns
Legenda: dumbrar cun ils mauns Pixabay

Egn, dus, tres
la tgora stat sen pes.
Quater, tschentg, sis
igl tgavrer maglia ris.
Seat, otg, nof,
la vatga e betg egn bof.
Diesch, endesch, dudesch
igl prear ha pears igl cudisch.
Tredesch, quitordesch, quindesch
la galegna stat segl endesch.
Sedesch, giseat, schotg
jou giavisch egna bùna notg.

(Cudischs da la Sutselva III, Canzúnettas a Versets, Leia Rumàntscha Cuera 1945 “Acziún Sutselva Rumántscha”)

Egn, dus, tres
Egn, dus, tres,
las tgoras en parpes.
Quater, tschentg, sis,
jau magl betga ris.
Seat, otg, nov,
la vatg’e betg egn bov.
Diesch, endesch, dudesch,
jou ve ligieu egn cudesch.
Tredesch, quitordesch, quendesch,
la gagliegna sea segl endesch.
Sedesch, gisseat, schotg,
jou giavisch egna bùna notg.

Egn, dus, tres
Egn, dus, tres,
plàn e betga tess,
fred e betga tgòld,
tard e betga bold,
dir e betga lom,
fagn e betga strom.

(Cupitgolas: Hopaheias, vearsets a canzùnetas, Lia Rumantscha, Cuira 2011)