Siglir tar il cuntegn
cuntegn

Versets e poesias (Vallader) Chavals

Chavals

poni
Legenda: poni Pixabay

Jonin voust ir a sella?

Jonin voust ir a sella?
Schi, schi, schi.

Sezzast sülla givella?
Schi, schi, schi.

Hast dat avaina al chavagl?
Schi, schi, schi.

Hast dat eir aua al chavagl?
Na, na, na.

Els chavalgeschan sco il vent.
Jonin uossa nu sta attent.
Qua va il poni a galop
e bütt’a Jon güst’aint il fop.

L’uffant sezza in schnuoglia, a la fin drivir las chommas e l’uffant “crouda” tranter giò.

Zua, zua, zua

Zua, zua, zua,
il chavagl ha pers la cua.
Til metta sü ’na cua d’strom,
lura vaja bler plü lom.
Til metta sü ’na cua d’stoppa,
lura il chavagl galoppa.

(Cupicharoulas: Hoppahajas, versins e chanzuninas, Lia Rumantscha, Cuira 2011)