Siglir tar il cuntegn

Header

video
Be 0:0 a Belfast
Or da Sport-Clip dals 08.09.2021.
laschar ir. Durada: 2 minutas 21 Secundas.
cuntegn

0:0 a Belfast Squadra naziunala dat pari cunter Irlanda dal Nord

Mo in pari per la squadra naziunala svizra da ballape en il gieu da qualificaziun per il campiunadi mundial da l'auter onn. A Belfast n'han ni la Svizra ni l'Irlanda dal Nord sajettà in gol. La meglra schanza dals Svizzers avess Haris Seferovic gì en la 33avla minuta cun in penalti, ma el n'ha betg reussì. Sia equipa n'haja betg giugà a moda precisa ed effizienta, ha bilantschà il trenader Murat Yakin suenter la partida.

audio
Il trenader Murat Yakin
ord RTR Audio dals 09.09.2021.
laschar ir. Durada: 19 Secundas.

En l'autra partida da la gruppa C ha l'Italia battì la Lituania gist cun 5 a 0. L'Italia maina en la tabella cun sis puncts avantatg sin la Svizra. La Svizra ha dentant giugà duas partidas pli pauc. Ils 9 d’october frunta la Svizra puspè sin l’Irlanda dal Nord. Lura dentant a chasa.

RTR novitads 06:00

Artitgels legids il pli savens