La staffetta maschadada svizra ha manchentà per pauc ina medaglia als campiunadis mundials en la Flandra. Suenter 44,5 kilometers èn il trio dad umens cun Küng, Bissegger, e Schmid e quel da las dunnas cun Reusser, Chabbey e Koller stads mo per 0,05 secundas pli plauns ch'ils Talians. Gudagnà ha la Germania avant l'Ollanda.
Suenter la mesadad da la curs avevan ils umens 34 secundas retard sin ils Talians che manavan lura. Las dunnas cun la nunspetgà ferma Nicole Koller, spezialista da mountainbike, han fin a l'arrivada bunamain pudì gulivar il temp pers.