Siglir tar il cuntegn

Header

video
Svizra – Spagna: ils puncts culminants
Or da Sport-Clip dals 02.07.2021.
laschar ir
cuntegn

1/4-final a l'EURO 2020 La Svizra vegn franada da la «Furia Roja»

Puspè prolungaziun e puspè penaltis. Ma auter ch'anc encunter la Frantscha n'han ils Svizzers questa giada betg persvadì en la lutga da penalits.

video
Petkovic: «Gia avant il gieu eran els eroxs»
Or da Sport-Clip dals 02.07.2021.
laschar ir

Dals emprims quatter svizzers ha sulet Mario Gavranovic tuc il gol. Da la vart dals Spagnols han gist trais giugaders tutgà. Uschia è il siemi a fin.

audio
Svizra sperda suenter penaltis
03:09 min, Actualitad dals 03.07.2021.
laschar ir. Durada: 03:09 minutas.

La naziunala svizra sto turnar a chasa. Quai dastga ella dentant far cun il chau ad aut.

video
Tut ils penaltis tranter la Svizra e la Spagna
Or da Sport-Clip dals 02.07.2021.
laschar ir

Il gieu da quartfinal ha danovamain duvra blera gnerva. Gia en l'otgavla minuta èn ils Spagnols ids en avantatg entras in gol da Jordi Alba. Il giugader dal FC Barcelona ha sajettà ord ina distanza da bun 20 meters, in bal ch'è anc vegnì svià en gol da Zakaria. Suenter pausa han ils Svizzers reagì ed egualisà il gieu en la 68avla minuta entras Xherdan Shaqiri.

video
Remo Freuler survegn la carta cotschna
Or da Sport-Clip dals 02.07.2021.
laschar ir

Suenter ina carta cotschna encunter Remo Freuler en la 77avla minuta han ils Svizzers stuì giugar be en 10. A partir da quest mument han ils Spagnols dà en il tact e principal durant la prolungaziun gì schanzas da gol en il tact da minutas.

video
Bleras emoziuns tar il goli Yann Sommer
Or da Sport-Clip dals 02.07.2021.
laschar ir

Adina puspè ha il goli Yann Sommer tegnì la Svizra en il gieu. En la lutga da penaltis n'è dentant er Sommer betg vegnì da procurar ch'il siemi svizzer cuntinueschi a quest campiunadi d'Europa.

audio
La Svizra turna a chasa
07:32 min, Actualitad dals 03.07.2021.
laschar ir. Durada: 07:32 minutas.

Mezfinal Spagna cunter Italia

Durant che la naziunala svizra sto turnar a chasa cuntinuescha il turnier per la Spagna che frunta en il mezfinal sin l'Italia. Ils Talians han gudagnà lur partida da quartfinal a Minca cunter la Belgia cun 2:1. Nicolo Barella e Lorenzo Insigne avevan sajettà l'Italia cun 2:0 en avantatg - avant che Romelu Lukaku ha tutgà anc avant pausa davent dal punct da penalti al 2:1. Il topscorer da la Belgia avess suenter pausa anc giu in qual schanza per sajettar il 2:2. A la fin n'hai dentant betg tanschì d'egualisar la partida.

En il mezfinal vegni uschia tar la reediziun dal final dal 2012, cura che la Spagna ha battì l'Italia gist cun 4:0. En l'otgavelfinal il 2016 era percunter l'Italia sa messa atras. La partida ha lieu quest mardi, ils 6 da fanadur a Londra.

video
Ils highlights da la partida Belgia – Italia
Or da Sport-Clip dals 02.07.2021.
laschar ir

 

RTR actualitad 07:00

Artitgels legids il pli savens

Scrollar a sanestra Scrollar a dretga