L'equipa naziunala svizra da ballape da las dunnas ha pers encunter la Spagna cun 1:7. Las campiunessas mundialas han dominà il gieu e fatg l'emprim gol gia en la quarta minuta. En la 69avla minuta ha Alayah Pilgrim sajettà il sulet gol per la Svizra. Ella ha uschia era sajettà l'emprim gol per las Svizras en questa runda da la Nations League. En il gol da la Svizra è stada la Grischuna Livia Peng.
En la gruppa 4 da la Nations League resta la Svizra cun quai sin il davos plaz, cun nulla puncts, suenter quatter gieus. Per anc pudair restar en la liga A dals pajais ston las Svizras gudagnar ils dus davos gieus, l'entschatta december encunter la Svezia e l'Italia.