Er la quarta stagiun da la Euro Hockey Tour ha cumenzà per la Svizra cun ina terrada. A Kloten ha l'equipa dal trenader Patrick Fischer pers cunter la Svezia cun 1:2. Quai suenter che la Svizra aveva gudagnà quatter gieus da test in suenter l'auter – mintgamai 2 cunter la Frantscha e cunter la Lettonia.
La Svezia resta pia in adversari da tema: Igl è stà la 16avla giada en seria – dapi 8 onns – che la Svizra ha pers cunter la Svezia. Ils proxim termin impurtant per l'equipa naziunala è ils 10 da matg a Prag, alura cumenza il campiunadi mundial. Sco emprim frunta la squadra naziunala sin la Norvegia.
