Siglir tar il cuntegn

Header

audio
Philipp Stöckli (qua a Turitg) davart ses temp en l'isolaziun
Or da Actualitad dals 14.02.2022.
laschar ir. Durada: 5 minutas 24 Secundas.
cuntegn

11 dis en isolaziun Philipp Stöckli: «Jau hai pensà d'esser en il fauss film»

Mitschar da corona – quai in dals gronds giavischs als gieus olimpics a Peking. Mintga di han tut ils schurnalists, era Andreas Wieland e Gian Carlo Candinas dad RTR, da laschar far in test da PCR. È quel positiv lura vai lingia direct en in hotel d’isolaziun, in scenari da sgarschur.

Capità è quai a Philipp Stöckli dad SRF. El è vegnì testà positiv gia tar l’arrivada sin la plazza aviatica a Peking. Dal hotel è el lura vegnì transportà cun ambulanza en in hotel d’isolaziun. Là ha el passentà 11 dis. La chombra ha el sulet dastgà bandunar per deponer ses rument avant stanza. Grazia l’internet ha Stöckli almain pudì persequitar il program dad SRF ed uschia dar di per di in feedback sin la lavur da ses collegas.

Philipp Stöckli
Legenda: Malgrà 11 dis isolaziun – Philipp Stöckli n'ha mai pers ses umor. mad

Suenter che Beat Feuz ha gudagnà aur olimpic en la cursa rapida han ils collegas da SRF tramess a Philipp Stöckli ina buna buttiglia vin. Uschia ha el almain pudì festivar in zic questa emprima medaglia dad aur per la Svizra a quels gieus olimpics a Peking.

tschavera
Legenda: Di per di è ha Philipp Stöckli survegnì trais tschaveras. Mintgamai bler memia bler e fraid, sco el di. mad

Actualitad 11:00

Artitgels legids il pli savens

Scrollar a sanestra Scrollar a dretga