110 meters obstachels - Record svizzer da Jason Joseph

Jason Joseph ha realisà in nov record svizzer sur ils 110 meters obstachels al meeting d’atletica leva a Turitg. Cun in temp da 13,08 secundas ha il Basilais gudagnà la cursa e meglierà ses agen record per 2 tschientavels. I sa tracta gia da la terza giada en questa stagiun che Joseph ha meglierà il record svizzer sur ils 110 meters obstachels. Avant in’emna avess ses temp dad ier saira tanschì per bronz als campiunadis mundials.