Siglir tar il cuntegn

Header

audio
Reacziuns sin la cursa
Or da Actualitad dals 11.02.2022.
laschar ir. Durada: 2 minutas 52 Secundas.
cuntegn

15 kilometers classic A Cologna malgartegia sia emprima cursa a Peking

  • Iivo Niskanen è campiun olimpic sur ils 15 kilometers classic. Il Finlandais gudogna avant il Russ Alexander Bolschunow ed il Norvegiais Johannes Hösflot Klaebo.
  • Jonas Baumann vegn sco meglier Svizzer 16avel.
  • Dario Cologna perda 3:45 minutas sin Niskanen e vegn be 44avel.
video
Cologna: «Oz n'è i nagut – igl è stà grev»
Or da Beijing 2022 Clips dals 11.02.2022.
laschar ir. Durada: 2 minutas 4 Secundas.

Dario Cologna, campiun olimpic da la distanza da 15 kilometers il 2010 a Vancouver (skating), il 2014 a Sotschi (classic) ed il 2018 a Pyeongchang (skating) n'ha gì nagina schanza a Peking. Be sin ils emprims kilometers ha l'atlet da 35 onns pudì persvader. Suenter la mesadad da la cursa era Cologna dentant crudà enavos sin il 30avel plaz cun in dischavantatg da 1:33 minutas sin la testa – a la fin muncavan schizun 3:45 minutas sin il nov campiun olimpic Iivo Niskanen, il grond spezialist dal stil classic che veva gia gudagnà bronz en il skiatlon.

Ina buna cursa da Baumann

Ina buna prestaziun ha mussà Jonas Baumann. Il passlunghist oriund da Lon en la Val Schons è currì constant ed ha la finala gì in retard da 2:15 minutas sin il victur. Suenter il 15avel plaz en il skiatlon hai tanschì quella giada per il plaz 16. Nagina schanza ha perencunter Jason Rüesch gì. Il currider da Tavau ha stuì sa cuntentar cun il 53avel plaz.

video
Jonas Baumann cun ina buna prestaziun
Or da Beijing 2022 Clips dals 11.02.2022.
laschar ir. Durada: 48 Secundas.

Niskanen ina classa per sasez

Gudagnà aur ha il grond favurit Iivo Niskanen. Il spezialist dal stil classic classic da la Finlanda ha gia gì suenter 3 kilometers in avantatg da 10 secundas sin ses concurrents. L'emprim ha Il Russ Alexander Bolschunow anc pudì star a pèr – ha lura dentant stuì sa cuntentar cun plazza 2, e quai cun in retard da 23 secundas. En il skiatlon aveva Bolschunow anc battì Niskanen e gudagnà aur. Terz è daventà il campiun olimpic dal sprint, Johannes Kläbo da la Norvegia.

video
Niskanen fa aur en la cursa da 15 kilometers classic
Or da Beijing 2022 Clips dals 11.02.2022.
laschar ir. Durada: 55 Secundas.

RTR novitads 10:00

Artitgels legids il pli savens

Scrollar a sanestra Scrollar a dretga