Dario Cologna ha manchentà cleramain in plaz tranter ils top 10 tar l'emprima cursa da la cuppa mundiala a Falun en la Svezia. Il campiun olimpic ha stuì sa cuntentar cun plaz 18 sur ils 15 kilomters stil liber cun partenza singula. Ses collegas da team Jason Rüesch e Beda Klee èn vegnids 19avel e 20avel.
Cologna ha pers sco meglier svizzer 1 minuta e 45 secundas sin il victur Alexander Bolschunow. Il Russ po cunquai festivar sia 7avla victoria da questa stagiun. Segund e terz èn ils dus Norvegias Simen Hegstad Krüger e Sjur Roethe.