Il podest
- 1. Sofia Goggia (ITA) 1:48,42
- 2. Breezy Johnson (USA) +0,84
- 3. Corinne Suter (SUI) +0,98
Corinne Suter è vegnida terza en la segunda cursa rapida da la stagiun a Lake Louise. Pli spertas che la Svizra èn be stadas la Taliana Sofia Goggia e l'Americana Breezy Johnson. Per Goggia èsi stà la segunda victoria entaifer 24 uras – e la sisavla en seria en la cursa rapida. Ier ha la Taliana declassà la concurrenza per bunamain 1,5 secundas.
Las ulteriuras Svizras
- 14. Joana Hählen +2,14
- 23. Lara Gut-Behrami +2,59
- 28. Priska Nufer +2,99
- 36. Stephanie Jenal +3,12
- 37. Jasmine Flury +3,20
- DNS Noemie Kolly
Uschia vai vinavant
Oz è in'ulteriura cursa sin il program a Lake Louise, numnadamain l'emprim super-G da la stagiun. SRF emetta live a partir da las 18:30 temp svizzer. Silsuenter fa il circus da skis da las dunnas midada a San Murezzan. Là èn planisads dus ulteriurs super-G la proxima fin d'emna.
