Corinne Suter vegn er en la segunda cursa rapida da Lake Louise sin il podest. Il di avant anc segunda – fa ella questa giada rang 3. Pli sperta è puspè stada la victura Sofia Goggia, e sin rang 2 arriva l'Austriaca Nina Ortlieb. Pervi dal vent è la cursa vegnida scursanida.
Ditg è Corinne Suter stada sin la segunda plazza, lura ha Nina Ortlieb anc surpassà ella cun il numer da partenza aut 26. Il medem mument ha Joana Hählen pers il plaz sin il podest.
- Sofia Goggia (ITA) 1:28,96
- Nina Ortlieb (AUT) +0,34 secundas
- Corinne Suter (SUI) +0,37 secundas
Las ulteriuras Svizras
- 4. Joana Hählen +0,59
- 8. Michelle Gisin +1,16
- 13. Lara Gut-Behrami +1,52
- 13. Delia Durrer +1,52
- 15. Jasmine Flury +1,63
- 19. Priska Nufer +1,92
- 23. Juliana Suter +2,21
- 36. Stephanie Jenal +3,39
La dumengia suonda a Lake Louise anc in super-G.