Siglir tar il cuntegn

Header

Legenda: YB durant l'emprim trenament ils 15 da zercladur. Keystone
cuntegn

2. runda da qualificaziun CL YB frunta u sin campiun slovac u sin campiun irlandais

  • Ils Young Boys lantschan lur stagiun europeica cun la 2. runda da la qualificaziun per la Champions League.
  • Il campiun svizzer frunta sin il victur da la partida Slovan Bratislava (Slovachia) – Shamrock Rovers (Irlanda).
  • L'emprim gieu è fixà ils 20/21 da fanadur, il gieu da return ils 27/28 da fanadur. YB dat l'emprim ordaifer.
  • Trais rundas ston ils Young Boys e lur nov trenader David Wagner surmuntar, sch'els vulan dar il 2021/2022 en la Champions League. L'emprim adversari en la segunda runda da qualificaziun vegn ad esser il victur da la partida tranter Slovan Bratislava ed ils Shamrock Rovers. Quai ha la sort decidì la mesemna a Nyon. Il pli tard ils 14 da fanadur sa YB sin tgi ch'els fruntan.

video
Archiv: YB preschenta il nov trenader David Wagner
Or da Sport-Clip dals 14.06.2021.
laschar ir

Qualificaziun per la Conference League

En la segunda runda da qualificaziun per la nova Conference League frunta il club da ballape da Basilea sin il victur tranter Partizan Belgrad da la Serbia ed il represchentant da la Moldavia Sfintul Gheorghe. Servette ha da cumbatter cunter Molde da la Norvegia.

Il victur da la cuppa Svizra, Lucerna vegn a s'engaschar pir a partir da la terza runda da qualificaziun.

RTR novitads 15:00

Artitgels legids il pli savens

Scrollar a sanestra Scrollar a dretga