La Federaziun internaziunala da skis FIS n'ha betg elegì Urs Lehmann sco nov president. Il congress virtual ha elegì Johan Eliasch sco successur da l'Engiadinas Gian-Franco Kasper. Uschia perda la Svizra il presidi da la FIS suenter 70 onns. Ils davos 23 onns ha il Grischun Gian-Franco Kasper menà la Federazin da skis.
Absolut pli per Eliasch
Il candidat britanic Johan Eliasch cun ragischs svedaisas, Johann Eliasch, ha survegniu 65 da las 119 vuschs inoltradas. Uschia è el vegnì elegì gia en l'emprim scrutini. Il milliardari da 59 onns, che posseda la maioritad d'aczias tar il concern d'artetgels da sport Head, è vegnì elegì per in onn sco nov president.
Per Lehmann, ch'è vegnì sin plazza dus, hai dà 26 vuschs. El ha uschia gì nagina schanza encunter Johann Eliasch. La Brita Sarah Lewis ha survegnì 15 vuschs ed il vicepresident Mats Arjes da la Svezia 13 vuschs.
Ord l'archiv
