Siglir tar il cuntegn

Header

video
Ils highlights dal final
Or da Sport-Clip dals 24.05.2021.
laschar ir
cuntegn

3:1 cunter Son Gagl Lucerna gudogna er grazia ad in culp dubel

Per la terza giada en sia istorgia ha il FC Lucerna gudagnà il titel. Lucerna ha battì en il final Son Gagl cun 3:1.

Suenter 27 minutas ha Ndiaye avert il score e be quatter minutas pli tard ha Wehrmann gia sajettà il 2:0 per Lucerna. Curt avant pausa, en la 42avla minuta ha Adamu pudì scursanir al 2:1. Suenter pausa ha Pascal Schürpf sajettà il en la 70avla minuta il gol da la victoria. Suenter il tschivlot final da l'arbiter è Schürpf currì tar David Zibung. Il goli da blers onns terminescha suenter questa partida sia carriera ensemen cun il defensur Christian Schwegler.

Ils Lucernais e lur trenader Fabio Celestini ha uschia encorunà lur segunda runda remartgabla cun il titel dal victur da la Cuppa da ballape. Avant 29 onns ha Lucerna gudagnà l'ultima giada quest titel. Il 1992 ha il president actual dal club, Stefan Wolf, gudagnà il titel sco giugader. Dapi lura era Lucerna quatter giadas en il final, n'han dentant mai pudì gudagnar il titel.

RTR novitads 17:00

Artitgels legids il pli savens

Scrollar a sanestra Scrollar a dretga