Siglir tar il cuntegn

Header

cuntegn

5 gols en 1 partida Timo Meier sajetta in record per ils San Jose Sharks

Dal 6:2 dals San Jose Sharks cunter Los Angeles Kings, ha il Svizzer Timo Meier sajettà gist tschintg gols. Quai n’è fin uss anc gartegià a nagin giugader en l’istorgia dal club da la California.

Quai è schon pulit cool.
Autur: Timo Meier attatgader dals San Jose Sharks

Ed en quest tschientaner è l’Appenzellais da 25 onns insumma pir il tschintgavel giugader – che ha sajettà tschintg gols en ina partida da la NHL.

Meier ha gia gartegià en la 4. minuta durant in powerplay, ed anc avant la fin da l'emprim terz aifer 21 secundas al 3:0 ed al 4:0. Lura èn suandads ils gols al 5:1 ed al 6:1 en il segund terz. Tschintg gols aifer 40 minutas ha in giugader da la NHL fatg la davosa giada l'onn 1994.

RTR novitads 09:00

Artitgels legids il pli savens

Scrollar a sanestra Scrollar a dretga