Siglir tar il cuntegn

Header

video
Gaudenz Beeli sa regorda dals gieus olimpics 1972 a Sapporo
Or da Telesguard dals 04.02.2022.
abspielen. Laufzeit 6 minutas 4 Sekunden.
cuntegn

50 onns suenter Sapporo Gaudenz Beeli sa regorda da si'aventura olimpica

Sco franader en il bob a quatter dal pilot Hans Candrian ha Gaudenz Beeli avant 50 onns fatg in diplom olimpic avant a Sapporo. In diplom cun in tif amar. Naiv en il vial ha impedì ina medaglia olimpica al bob «Svizra II»

L'aventura olimpica a Sapporo, l'onn 1972, n'emblida Gaudenz Beeli da Flem mai. Ed aventurus èsi stà en plirs reguards. Senza experientscha ha el prendì plaz sco franader en il bob a quatter dal pilot Hans Candrian. Suenter ils success sco campiun mundial e medaglia da bronz olimpica a Grenoble, era quel a la tschertga d'ina nov'equipa. Trenaments regulars ed intensivs han la finala laschà daventar realitad il siemi olimpic. Gaudenz Beeli, sco noviz da bob, era tuttenina entamez quella gronda famiglia olimpica.

audio
50 onns Sapporo – Gaudenz Beeli sa regorda
aus Actualitad vom 03.02.2022.
abspielen. Laufzeit 3 minutas 29 Sekunden.

Diplom empè d'ina medaglia

Era sch'il bob «Svizra II» è stà en dus dals quatter percurs il pli svelt da tuts ed ha perfin realisà il record da temp en il vial da bob olimpic a Sapporo, è be sa resultà plazza quatter. In diplom cun in tif amar sa regorda Gaudenz Beeli. Naiv en il vial da bob, durant in dals quatter percurs, ha impedì la medaglia, forsa perfin quella dad aur.

Nus vessan en sasez duì e stuì far recurs
Autur: Gaudenz Beeli Anteriur franader da bob

Suenter il bab era la figlia

Ils gieus olimpics d'avant 50 onns a Sapporo èn stads ils emprims ed ultims per Gaudenz Beeli sco atlet. Daventar profi en il sport da bob n'è mai stà ina opziun. Tuttina è el anc ina giada stà part da quella gronda famiglia olimpica. L'onn 2006 a Torino sco trenader da l'equipa da curling da las dunnas cun il skip Mirjam Ott. Part da quell'equipa è era sia figlia Binia Feltscher-Beeli stada. Betg sco laica sco ses bab, mabain sco profi. E 34 onns suenter Sapporo ha Gaudenz Beeli pudì vesair e sentir co ch'igl è da gudagnar ina medaglia olimpica. Las curlistas e lur trenader èn turnads cun argient olimpic en il Grischun, en Surselva, a Flem.

Ord l'archiv

video
Sapporo 1972 cun atlets rumantschs
Or da L’archivar recumonda dals 30.01.1972.
abspielen. Laufzeit 10 minutas 52 Sekunden.

RTR actualitad 17:00

Artitgels legids il pli savens

Scrollar a sanestra Scrollar a dretga