Siglir tar il cuntegn

Header

audio
Mauro Caviezel dat ses comeback
Or da Actualitad dals 25.11.2022.
laschar ir. Durada: 3 minutas 10 Secundas.
cuntegn

A Lake Louise Mauro Caviezel dat ses comeback

Suenter ina greva ferida tar il trenament da cursa aval a Garmisch è Mauro Caviezel puspè enavos en la cuppa mundiala da skis. A Lake Louise en il Canada sa il grischun puspè ir a la partenza da cursas da skis sin il pli aut livel.

Il dossier da feridas dal skiunz grischun Mauro Caviezel è per in ulteriur chapitel pli gross. Avant in onn e mez durant il trenament per la cursa a val a Garmisch è Caviezel cupitgà. Tar l’accident ha il skiunz sa blessà vi dal schanugl e vi dal chau. El ha gì in trauma dal tscharvè ed in ferm squass dal tscharvè. Gist suenter l’accident ha Mauro Caviezel l’emprim stuì curar il schanugl e silsuenter quella dal chau. Pervia dal squass dal tscharvè ha Caviezel ditg gì problems cun la coordinaziun dals egls. Spezialmain sch’el gieva en la posiziun da seser e veva tras quai da mirar anc pli fitg amunt, veseva el dubel e fitg mal.

Reha, terapia, comeback

Pervia da la ferida fitg cumplexa ha Mauro Caviezel sa concentrà sin ina terapia cumplessiva. El n'ha betg mo fatg terapia per il chau ed ils egls, dentant er cun il culiez e la tatona. Caviezel ha fatg differentas terapias per propi puspè vesair bain e cler. Per ch'ils egls vegnan puspè a funcziunar sco avant l’accident ha el empruvà fitg bleras terapias. Quai è stà necessari per vesair bain cura ch’el va al limit. Blers mais e numerusas terapias suenter l’accident a Garmisch è quai uss pussaivel. Il skiunz di dentant sez: la via enavos vegn anc a cuntinuar. Jau na sai anc ditg betg tut davart mia ferida e las metodas da terapia.

A mai vai bain. Jau sun da buna speranza, jau sun gnervus ed il fieu per il sport da skis arda
Autur: Mauro Caviezel skiunz da professiun

Savair nua che el stat

Be cun far cursas pon ins a la fin era vesair nua ch'ins stat. Mauro Caviezel dovra las emprimas cursas da la stagiun per chattar ora quai. El vul sa sentir bain er en il modus da cursa, e davent da quella posiziun vul el a vista media er puspè cumbatter per las emprimas plazzas sin il podest. L’emprim èsi dentant impurtant da vegnir tranter ils emprims trenta. Da là davent è la via vers amunt en la glista da rangs alura averta.

RTR actualitad 17:00

Artitgels legids il pli savens

Scrollar a sanestra Scrollar a dretga