Siglir tar il cuntegn

Header

video
Mauro Caviezel po star sin pe suenter ses accident.
Or da Sport-Clip dals 27.11.2022.
laschar ir. Durada: 37 Secundas.
cuntegn

Accident da Mauro Caviezel Diagnostitgà trauma da la chavazza e dal tscharvè

Dumengia è il Grischun Mauro Caviezel crudà grevamain ed ha stuì vegnir transportà davent cun helicopter. Uss è la diagnosa qua: In trauma da la chavazza e dal tscharvè.

El aveva dà ses comeback questa fin d'emna suenter dus onns pausa. Tge che la diagnosa munta per Caviezel e sia carriera n'è betg cler fin uss. Caviezel è vegnius transportà enavos en Svizra per examinaziuns medicinalas.

Var 48 uras suenter che Cavizel è crudà è el s'annunzià sin la rait soziala instagram. En englais ha el scrit che «Quai n'è betg la fatscha dal comeback che jau ma vess giavischà» ed engrazia per ils buns giavischs ch'el haja retschavì. Davart il stadi da sia sandad n'ha el betg ditg bler, en in uschenumnà hashtag ha el dentant scrit che tschertas examinaziuns duajan anc vegnir fatgas. Sut ses post han numerus collegas dal sport giavischà bun meglierament, tranter auter er Beat Feuz e Dario Cologna.

Victoria Svizra

Marco Odermatt gudogna il Super-G a Lake Louise en il Canada. Igl è la segunda victoria ed il terz plaz da podest suenter trais cursas da questa stagiun per Odermatt. La sonda è el vegnì terz en la cursa rapida da Lake Louise ed a Sölden aveva el gudagnà il slalom gigant.

  1. Marco Odermatt (SUI) 1:32.53
  2. Aleksander Kilde (NOR) +0.37
  3. Matthias Mayer (AUS) «0.78
video
Odermatt: «Gronda confidenza suenter la cursa dad ier»
Or da Sport-Clip dals 27.11.2022.
laschar ir. Durada: 1 minuta 53 Secundas.

RTR novitads 22:00

Artitgels legids il pli savens

Scrollar a sanestra Scrollar a dretga