Legenda:
Robin Godel cun ses chaval Jet Set.
Keystone
Sco quai che Swiss Olympic communitgescha, haja il chaval da 14 onns stgarpà grevamain in liom da la chomma davant, cura ch'el saja sa tschentà suenter l'ultima cumbinaziun sur l'aua. Il chavaltgader Godel n'è betg sa blessà. Pervi da la severitad da la blessura haja il team ensemen cun il veterinari e schef da team, decidì da durmentar il chaval. Ina reproscha na possian ins betg far, ni al chavaltgader ni als organisaturs dal percurs. Tals accidents possian capitar, ha ditg il schef dal team als reporters a Tokio. I saja simplamain discletg e tragic.
Malgrà l'accident vegn il team svizzer tuttina ad esser da la partida damaun, quai cun la chavaltgadra da remplazzament, Eveline Bodenmüller cun ses chaval Violine de la Brasserie.