Il Club da hockey da Tavau ha pers la partida e cunquai manchentà da far puncts per in plaz da playoff direct. Ordaifer ha il HCD pers cunter Ambri-Piotta cun 2:3. Omadus gols ha Matej Stransky sajettà per il HCD. Suenter che lez ha egualisà al 2:2 avevan ils hockeyans da Tavau ditg dapli dal gieu. Er cun in giugader dapli sin il glatsch è il HCD però restà ineffectiv. Igl è stà l'emprima giada che Ambri-Piotta ha gudagnà questa stagiun cunter ils da Tavau. En la tabella resta il HCD sin il 6avel plaz da la tabella.
Ils resultats dals ulteriurs gieus
- Zug – Tigers 8:2
- Genevra-Servette – Bienna 3:2, suenter prolungaziun
- Friburg-Gottéron – Rapperswil-Jona Lakers 3:2, suenter prolungaziun
- Lugano – Berna 3:2 suenter sajettar penaltis
