Il team Alinghi cun il milliardari svizzer Ernesto Bertarelli vul puspè cumbatter per l'America's Cup, quai ha l'equipa da bartga a vela svizra dà enconuschent al Lai da Genevra. Tgi che gudogna la concurrenza dastga cumbatter il 2024 encunter il defensur dal titel, il team New Zealand per la pli veglia trofea da sport dal mund. Las ultimas trais ediziuns da la concurrenza da bartgas a vela han gì lieu senza Alinghi. Avant aveva la bartga svizra pudì defender il 2007 il titel dal 2003. Il 2010 era il Team BMW Oracle Racing ì cun il titel.
Ernesto Bertarelli po quintar cun agid finanzial sco er da savida da l'Austria. L'interpresa Red Bull da Dietrich Mateschitz vul sa partizipar cun know how ord technologic ord la furmla 1.
Ord l'archiv
Il 2006 aveva il team da l'Alinghi fatg in trenament da cundiziun a Lai.
